Ad eundem, ratione capituli nationalis, nomine abbatis nostri, 15. Aprilis 1659. Reverendissime in Christo pater, amplissime praesul, colendissime domine domine Filialem salutem et felicissimum pascha

(1) Semper quidem studui inter filios oboedientiae computari et nihil laboris pro congregationis nostrae emolumento subterfugere, qua in propensione etiam nunc et deinceps fideliter perstare desidero. (2) Ceterum cum nunc ad provincialia ordinis comitia Uberlingam evocor, quasi inter sacrum et saxum[ERROR: no reftable :] inter ... saxum] Zum Sprichwort vgl. Noten zu ep. 296. constitutus, modum ac viam implendae oboedientiae non invenio.[ERROR: no reftable :] non invenio] Vgl. >Primisser cap. 42 § 48 Ceterum tamen arthriticis doloribus ita iam affectus fuit, ut maioribus negotiis impar ad capitulum nationale hoc anno IV Nonas Maii Uberlingae coeptum comparere non posset. Commisit ergo vices suas Georgio Caesareensi. Praesedit ei Thomas Salemitanus tamquam totius congregationis generalis. Adfuere praeterea abbates sedecim. Statuerunt inter alia, ut breviarium et missale novum introducerentur, ut carnium esus diebus Mercurii indispensabilis sit, ut usus organi iis dumtaxat diebus, quibus hymnus angelicus in missa dicitur, permittatur. Confirmata sunt haec statuta ab archipraesule Claudio VIII Kalendas Iunii eodem anno. (3) Nam spiritus quidem in me promptus est, caro autem nimis infirma. (4) Etsi nam cetera utcumque sanus sum, genua tamen et pedes omnino labascunt meque a dimidio circiter anno ad iterandum quocumque modo penitus inhabilem iam reddiderunt.

(5) Quam ob rem reverendissimam pietatem vestram hisce perquam officiose rogatum eo, quatenus in solatium et sublevamen infirmitatum mearum in proximo conventu inter honoratissimos dominos coabbates partes meas meique monasterii agere peramice digentur meoque nomine super negotiis ordinis et congregationis conferre consilia deliberare ac causas promovere velit. (6) Quem in finem quia in novis statutis quaedam difficilia, quaedam vero minus explicata deprehendi, utraque in puncta et paragraphos congesta hic simul transmitto, quae vel a reverendissima pietate vestra resolvi vel, si eidem necessarium visum fuerit, etiam in capitulo non solum proponi, sed et ventilari et categoricis resolutionibus enodari poterunt. (7) Ego interim dum intra domesticos cogor haerere parietes, reverendissimae pietati vestrae salvum angeli tutelaris conductum animitus apprecor et pro totius capituli tam fortunato auspicio quam felici terminatione divinum Numen

Previous Page

Next Page