Ad patrem Martinum Steger in Wertach pro tempore vicarium, 3. Octobris 1656. Fructuosum coram Deo laborem et olim pro apportato lucro remunerationem Reverende in Christo, religiose et amande confrater

(1) Vigesimo nono Septembris ad me diverterunt, quas reverentia vestra 24to eiusdem in Wertach exaraverat, ad quas (ne reverentia vestra in me, quod in reverendissimo nostro,[ERROR: no reftable :] reverendissimo nostro] Gemeint ist Abt Bernhard Gemelich. culpare possit) intermittere nolui aut protelare responsum. (2) Quod ad ternas litteras vestras dominus abbas nondum vel apicem resolverit, merito est, cur reverentia vestra paulo gravius ferat. (3) Noluit tamen intermissionem hanc minus propenso erga se affectui, sed potius oblivioni vel (si salva superioris auctoritate dicere liceat) alicui negligentiae adscribere.

(4) Ad substituendum vicarium in Wertach quod attinet, certum sit reverentiae vestrae neminem adhuc ad illud loci conductum neque ulli hominum a reverendissimo nostro promissionem desuper factam, quia hactenus nemo apparuit, cui beneficium committi posset. (5) Exspectat magis reverendissimus, dum vel reverentia vestra vel communitas Wertacensis aliquem sibi acceptum et idoneum conquirant, quo reperto si certiorem fecerint reverendissimum, non deerit ille, quin et reverentiam vestram ab onere suo liberam reddat et novum vicarium consueta praesentatione instructum gregi Wertacensium praeficiat.

Previous Page

Next Page