HesiodusZamanja, Bernard (1735-1820) [1785]: Hesiodi Ascraei opera, versio electronica, 2747 versus, verborum 58425 [genus: poesis - versio; poesis - epica; poesis - elegia; poesis - carmen; prosa - epistula; prosa - commentarius] [numerus verborum] [zamagna-b-hesiod.xml].
Si vis in lexico quaerere, verbum elige et clavem 'd' in claviatura preme.
-- RA1-PA32 --
Atque mala exortis primum mortalibus aegris;
250 Haeque hominum pariterque deum delicta sequutae
Numquam odiis cessant meritas assurgere in iras,
Ni prius admisso dederit pro crimine poenas,
Iustitiam quisquis violaverit. edidit ipsa
Et Nemesin, cladem mortalibus; et mala fraudis
255 Monstra, et concubitus turpes, nocuamque Senectam,
250 Haeque hominum pariterque deum
etc. Quid hoc? An dii etiam peccare possunt? An et poenis esse
obnoxii? Quidni? In tota poetarum mytbologia plurima huiusce rei exempla
sunt. Hesiodi vero dii quum fuerint antiquissimi Graeciae incolae, priusquam
essent in deorum numerum relati, iisdem, quibus ceteri homines, vitiis
afficiebantur. Rem secus explicare sane difficile. Nam quod Scholiastes ait,
haec esse idcirco dicta, ut homines intelligant, si Parcae deos etiam ausos
fortasse peccare graviter punire queant, quanto magis homines, quorum vires
nulio modo deorum viribus comparandae, punient; coactum omnino est ac pro
arbitrio affirmatum.
254 Et Nemesin, cladem mortalibus
etc. Nemesis duplex numen. aliud poenas irrogare ac reos persequi
credebatur; aliud in hominum animis pudorem excitare et quemdam metura, quo
retenti a culpis abstinerent. De prima videsis quae collegit Rob.
Constantinus in Le xico; alterius
ipse meminit Hesiodus in Oper. et Dieb.
v. 200, ubi, illam cum pudore coniungit. Catullus ad Calvum Licinium
scribens
Nemesim inimicam etiam superbis docet:
»> Nunc audax cave sis, precesque nostras
» Oramus, cave,
despuas ocelle,
» Ne poenas Nemesis reposcat a te;
» Est
vehemens dea; laedere hanc caveto.
255 Monstra, et concubitus
etc.
Sequuntur aliae quatuor Noctis
HesiodusZamanja, Bernard (1735-1820) [1785]: Hesiodi Ascraei opera, versio electronica, 2747 versus, verborum 58425 [genus: poesis - versio; poesis - epica; poesis - elegia; poesis - carmen; prosa - epistula; prosa - commentarius] [numerus verborum] [zamagna-b-hesiod.xml].
|