HesiodusZamanja, Bernard (1735-1820) [1785]: Hesiodi Ascraei opera, versio electronica, 2747 versus, verborum 58425 [genus: poesis - versio; poesis - epica; poesis - elegia; poesis - carmen; prosa - epistula; prosa - commentarius] [numerus verborum] [zamagna-b-hesiod.xml].
Si vis in lexico quaerere, verbum elige et clavem 'd' in claviatura preme.
-- PR34 -- qui portentis miraculisque
quidquid scribebat explere atque exornare studebat, quo legentibus mirabilior
videretur. Itaque finem faciam satis, quae dixi, futura sperans, ut tute ipse
pervidere possis in hac Hesiodi Thcogonia,
quamvis obscura sit et implexa, et mundi constitutionem, et politicam formam, et
religionis statum, et veteris historiae traditionem contineri. Neque vero me fugit, e
doctis hominibus futuros fortasse aliquos, qui hunc in partes quatuor divisum Theo goniae prospectum, heic a me adumbratum
magis, quam demonstratum, et ineptum esse arbitrentur et vehementer improbent. Sint
ii sane; neque enim pugnabo cum hominibus praeconcepta alia quadam opinione
preoccupatoque iudicio. Erunt certe alii et fortasse aequiores, qui sedulo
perpendentes excutientesque quae a ceteris interpretibus dicta sunt, quamque
impeditas alienasque abierint in sententias, pervidentes, hanc meam si non tamquam
certam, quam timidius proposui, at probabiliorem saltem verisimilioremque putent
coniecturam. Omnis profecto, si quid intelligo, ex ipsa carminis, quo de sermo est,
natura diligenter inspecta, et mysteriis plena vatis antiquissimi doctrina perlecta
per se mihi
HesiodusZamanja, Bernard (1735-1820) [1785]: Hesiodi Ascraei opera, versio electronica, 2747 versus, verborum 58425 [genus: poesis - versio; poesis - epica; poesis - elegia; poesis - carmen; prosa - epistula; prosa - commentarius] [numerus verborum] [zamagna-b-hesiod.xml].
|