Boskovic, Ruder (1711-1787) [1761]: De solis ac lunae defectibus, versio electronica, 5828 versus, 91294 verborum, ed. Branimir Glavicic [genus: poesis - epica; poesis - epistula; paratextus prosaici - commenta] [numerus verborum] [boskovic-r-dsld.xml].
Si vis in lexico quaerere, verbum elige et clavem 'd' in claviatura preme.
-- 209 --
Dissolvat reparetque! Choris felicibus o qui
Misceat elatumque recluso importet Olympo
Et liceat rutili vultu pendere Tonantis
Nec seu mendaci ambrosia seu nectare inani,
Divino pasci sed lumine divinaeque
Immotas aeternum acies defigere fronti!
Phoebe pater, medio cessas quid lenius Olympo?
Quid cohibes tardos fraeno remorante jugales?
Urge, age, fac celeri decurrant saecula gressu,
Fac citius miseris fugiat mortalibus aetas
Et roseis tam fausta dies exurgat ab undis!
Boskovic, Ruder (1711-1787) [1761]: De solis ac lunae defectibus, versio electronica, 5828 versus, 91294 verborum, ed. Branimir Glavicic [genus: poesis - epica; poesis - epistula; paratextus prosaici - commenta] [numerus verborum] [boskovic-r-dsld.xml].
|