Gradic, Stjepan (1613. — 1683.) [1657]: Junio Palmottae S. P. D., versio electronica, 395 verborum, versus 60, ed. Milivoj Srepel [genus: poesis - elegia; poesis - epistula] [numerus verborum] [gradic-s-epist-palmot.xml].
Si vis in lexico quaerere, verbum elige et clavem 'd' in claviatura preme.
-- 38 --
Auro etiam poscente Notos in vela vocavit
Argus, et invitum per mare fecit iter,
Quum profugam cupiens Colchis avertere pellem
45 Proelia discussa sevit Iason humo.
Primus hic unanimes mortali e pectore sensus,
Nativi Studium deposuitque soli;
Concordesque animas alterni luce fruentes
Colloquii rigidis dissociavit aquis.
50 Me quoque, Dalmatico teritur qui littore, pontile
Vicinum Vati non sinit esse meo.
Hunc docto auritas facientem carmine quercus
Confecta invenies, Littera nostra, via,
Qua nemora Adriacis Melite sua cernit in Undis,
55 Multaque nativos claudit arena lacus.
Neve rudem pudeat doctis occurrere Musis:
Defectus facilis corriget ille tuos.
Vade age; et hanc (Junio referes) tibi ferre salutem
59 Romana Gradius jussit ab Urbe tuus.
|
