Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].
-- -- Redegit, ut deorum magna numina,
Quae prisca gens mortalium atque patriae
Venerata semper est hucusque antiquitas,
Lacesseretis tanta contumelia?
Por: Cur, imperator, ipsum non rogas caput?
Quidnam pedes quaerendo tempus conteris?
Mecum est agendum, si quid habes negocii.
Max: O pessimum et decem rotis dignum caput!
Pereant pedes cum inviso igitur mihi capite!
Auferte mox, apparitores, perfidum!
Quid tam diu cunctamini? Quid sistitis?
Apprendite et corvis epulandum apponite!
Corripe, satelles, sic furentem belluam!
Educ machaeram, stringe ferrum protinus,
Atque caput infestum diis et hominibus
Demete recisum! Sit mei iussi metus!
Cat: Perstet fidelis, Porphiri, mens in deum!
Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].
|