et Sclavoniae in suis stationibus qui summis simultatibus de dignitate contendunt. Interea ex eorum discordia periit Sciscium vix unquam recuperandum, peribunt et aliae regni reliquiae, pereant et illi. Misera plebs adeo est consternata ut maledicat diei nativitatis suae, sedes mutare, reculas circumferre, charissima pignora liberos circumducere cogitur non sine summo ejulatu et lacrymis, sed quo se recipiat nescit. Quis talia fando temperet a lachrymis!

Certe nisi quam citissime plura huc submittantur auxilia et unum praeficiatur caput quod cetera membra reverebuntur ac metuent, actum erit brevi non solum de nobis, verum etiam de aliis vicinis provinciis. Dux nobis et Author opus est. Ulricus Scherloghus domum discesserit, optima nobis daretur occasio reoccupandi Sciscium antequam bene communiatur pariter et Petriniam expugnandi. Sed proh dolor! sumus testudine tardiores. Hec sunt quae de statu dulcissimae patriae iamiam periturae V. D. significanda esse duxi.