Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Auctores varii (1590) [1590]: Epistolae Siscienses, versio electronica, Verborum 11.224 (pro tem), ed. Josip Kolanovic [genus: prosa oratio - epistula] [numerus verborum] [sisak-epist.xml]. Si vis in lexico quaerere, verbum elige et clavem 'd' in claviatura preme.
dominosque deliniant, quibus tantum credi debet, quantum eorum subdolam experiri mentem etc. convenit. Nemo hic ex illis caesus: falso nobis inposuerunt, nisi fors verbis durioribus exceptus etc. A tergo: Reverendis dominis capitulo ecclesiae Zagrabiensis etc., dominis patribus et patronis colendissimis.
180. 1592. veljača 19. Sisak
KAZ, ACA fasc. 27, nr. 11/48. Izvornik
Reverendi domini et patres nobis colendissimi, praemissa salute officiorum nostrorum commendationem.
Mittimus reverendis dominationibus vestris salmones decem, quibus plures habere non potuimus, adeo ut nobismet ac nostro palato detrahentes ne unicum quidam reservavimus, volentes saltem hoc parvo bolo post ieiunii partem gratificari vestris reverendis dominationibus. Plures si vel haberi vel intercipi quoquo modo potuissent, profecto eos misissemus non ignorantes easdem laborare pecunia talium piscium. Domino quoque praelato nostro dignissimo, si non portionem, saltem portiunculam dabunt. Cum his reverendas dominationes vestras foelicissime valere optamus.
181. 1592. travanj 10. Tabor kod mosta
KAZ, ACA fasc. 27, nr. 11/49. Izvornik
Reverendi domini et patres colendissimi, orationum oblationem.
Per Czeztar missa accepimus et pro industria iis utemur praesente calamitoso tempore sese accomodantes. Utinam Germani abessent potius quam adessent. Dici non potest quantis nos calumniis obprobriisque ad pontem ventitantes afficiunt expectantes commeatum, sese praetendentes gratia nostri fame perituros, quibus, si meo iure uti possem, ne micam quidem darem. Tempestas hec omnia consilia pervenit. Passa vero est discessurus, nisi oppidum fecerit, ut est Drenchina. Labores quos in ponte sternendo fecimus incassum iri videmus eiusque omnem custodiam, posteaquam aliena est mos Germanorum in silvis confligere, nostrates quoque iam consternati, adeo ut quem prius animum habuerant, hunc Germanorum dissensionem deposuere. Deus ultionum dominus nisi coelesti suo consilio animos uirorumque repleverit, actum erit. Hortatus sum generalem cum lachrimis ne pateretur tantas frustra fieri expensas, tantum commeatum, tantas direptiones, neve dimittat exercitum sine conflictu. Suasi ut ille castra sua tamdiu teneat donec reliqui rem peregerint, qui nisi facere velit, me pontem soluturum custodiasque in castrum locaturum. Petii propter Deum ne se et suos gravis armaturae hoc facto perderem; conavi efficere apud suos, ut tandem, si vel Reliqua perscribi non possunt, nam sunt infinita. Nos misere vivimus. Gentem nostram ob famem retinere non possumus. Aperto campo, frigore et fame perit, provincia tota desolatur. Expediveram 60 cum Cwethkowich et Czetin prohibitum iniurias. Abfuit parum quia media parte interfecti fuissent sclopis uskokorum. Valeant patres in Domino.
182. 1592. travanj 14. Pračno
KAZ, ACA fasc. 27, nr. 11/50.Izvornik
Salvete patres optimi.
Prosim ta v vojzkw za Boga vchinyete posiliati obilno nasemi kmethmi, ar velike zramothe dalje terpeti ne moremo, pred gozpodhom banom i generalom, hoteli bi da bi lojnega v gradw pekel, gde ga zam nemam. Toga vasa milozt vze za Boga za salu ne vzmete. Hac nocte usque ad hanc 9. horam pontem navalem per Colapim magno labore contra Prachno posui. Deus benedictus sit, cuius instinctu et robora prius succisa et asseres habui. Miraremini si videretis graves labores. Vox iam deficit clamando. Valete, in Deo et pari animo estote.Obzekel ze je velikom zechom et nihil pertimescit penitus. Castrum erexit, reliqua, ut est munitio, circa illud erigit. Nocte sequenti, si non profligabit, actum erit. Octo bombas habet in ripa contra combustum Zwechay.
183. 1592. travanj 19. Pračno
KAZ, ACA fasc. 27, nr. 11/51. Izvornik.
Reverendi domini patres colendissimi, orationum commendationem.
Remisimus duos currus ut mox expediatur commeatus vini et, si plures expediri possunt, mittantur. Nam nimiam nobis excutimus neque quippiam boni
Auctores varii (1590) [1590]: Epistolae Siscienses, versio electronica, Verborum 11.224 (pro tem), ed. Josip Kolanovic [genus: prosa oratio - epistula] [numerus verborum] [sisak-epist.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.