Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
-- 47 --
Cerne coruscantes campos, fluviosque micantes,
Inque jugis herbas, gemmisque simillima prata; 310
Cerne, prout seclo laetentur cuncta futuro!
Ipsae saltantes referent tumefacta capellae
Ubera lacte domum, rabidosque repleta Leones
Amplius haud metuent armenta; petulca nocentes
Irruet in gladios, nec corruet agna machaera,
Et quem bis rubeum contraxerat ante colorem,
Constans servabit dudum; Tibi, maxima Proles,
Interea proni munuscula prima dicamus,
Vivaces hederas, myrtos, rubeosque corymbos;
Jam tua purpurei decorant Cunabula flores,
Mellaque sudabit sterilis tibi roscida quercus;
Balsama petra dabit; feret omnis singula tellus;
Ast ubi jam validis munitum viribus aevi
Corpus, et auspiciis aetas, ac florea mento,
Senis exactum lustris, impleverit orbem,
Et tua notescant toti miracula mundo,
Tum Typhis alter erit, vehet et nova Thessala pinus
Claros Heroas; Mavors quoque conseret alter
Praelia, Tuque Stygis remeabis Victor ad undas;
305 San. 3,212 et ipse videberis illis
307 San. 3,213 pacatumque reges
patriis virtutibus orbem
308 San. 3,214 Aspice felici diffusum
lumine coelum
309f. San. 3,215 camposque fluviosque ipsasque in montibus
herbas
311 San. 3,216 aspice, venturo laetentur ut omnia saeclo
312f. San. 3,217 Ipsae lacte domum
referent distenta capellae
313f. San. 3,218 magnos metuent armenta
leones
315 San. 3,219 agnaque per gladios ibit 316 San. 3,220 bisque suerfusos 318f. San. 3,221f.
munuscula prima / contingent ederaeque intermixtique corymbi
320 San. 3,223 ipsa tibi blandos fundent cunabula flores
321 San. 3,224 et durae quercus sudabunt
roscida mella
322 San. 3,225 omnis feret omnia tellus
327f. San. 3,228f. alter erit tum
Tiphys et altera quae vehat Argo / delectos heroas
329 San. 3,230 atque ingens stygias
ibis praedator ad undas
307 Verg. ecl. 4, 17 pacatumque reget
patriis virtutibus orbem
308 Ov. trist. 2,325 radiantia lumina
solis 311 [Verg.] catalept. 9,15 saeclis accepta futuris
313 Hor. ars 393 rabidosque leones
318 Verg. ecl. 4,18 prima ... munuscula
319 Sen. Oed. 455 vivaces hederae
320 Verg. Aen. 5,79 purpureos ... flores
321 Verg. ecl. 4,30 roscida mella
323 Lucr. 1,287 validis cum viribus
327 Verg. ecl. 4,34 alter ... Tiphys
329 Lucan. 3,702 victor et incolumis
summas remeabat in undas
Incipe, Parve, tuam subridens nôsse Parentem;
O Dilecte Deo, Coeli spes magna, solique!
Grex ubi pastorum praesagiit ista, recessus
Montibus in vacuis, nemus et vocale dederunt
Talia dicta retrò; plaususque ad sydera torquent
Et clivi, et valles, ipsaeque per invia rupes;
Ipsa strepunt arbusta, cavis procul assonat Echo
In lustris: Deus est hic verus, et optimus; ingens
Cùm citò visa fuit per inane caterva volatu
Scandere, mox aethrâ rursus descendere: laeto
Coelestes genii cursu, placidoque recursu
Circum tecta sacrae saliebant Aedis; et inde
Voces auditae procul: Axe subinde rotarum,
Bigarúmque sono stridente: videre per auras
Dein erat innocuis plaudens exercitus armis;
Divisae stabant acies, terna agmina ternis
Disposita ordinibus simulabant ludicra pugnae,
Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
|