(1) Eo in statu res patriae nostrae hoc temporis sunt constitutae, reverendissime et colendissime domine, ut post tot terras hostili hactenus ferro flammaque deformatas, tandem nunc ipsa etiam Tyrolis periculo sit vallata; ex quo nam urbs fortitudinis nostrae Brigantium hosti in spolium cessit, perdidimus murum et antemurale aptaque est porta, ut ingrediatur gens effera, ludificans veritatem. [ERROR: no reftable :] ludificans veritatem] Anspielung auf die Tatsache, dass die Schwedischen Truppen Protestanten waren und mit dem wahren Glauben ihren Spott trieben. (2) Certe si Suecus (immanis praedo nec auri nec sanguinis adhuc satur) tam nobili praesidio iam potitus tellurem nostram pro nunc invadere decreverit, non erit, quod ingredi volentem pro

hibeat, minus qui ingressum expellat. (3) Hanc ob rem reverendus pater Albericus sollicitus pro suppellectile pretiosa, quam revernedissima pietas vestra penes nos securitatis causa pridem deposuerat, timensque, ne subita irruptione facta una cum reculis monasterii nostri (ex quibus nihil prorsus adhuc transportavimus) fiat in direptionem hostibus, ad reverendissimam pietatem vestram statuit remeare nuntiatum, quid periculo impendeat patriae nostrae, quid thesauro Firstenfeldensi. (4) Quo tamen honesto motivo abire paranti remoram inicere non potui. De reliquo testificor nominatum patrem quadrimestri spatio, quod inter nos egit, ita se omnibus probasse, ut eum, tamquam caritatis et pacis religiosae apprime amantem, omnes redamarint, consortio et conversatione eius multum oblectati; quem proinde, nisi discessum ultro sollicitasset, sine gravamine diutius tulissemus. (5) Atque haec erant, quae pro tempore amplissimae dominationi vestrae insinuanda habuit, me [ERROR: no reftable :] me] Text bricht hier ab.