91. Stephani an Abt Bernhard Gemelich in Mais [Stams], 23. November 1646 Stephani bräuchte dringend die Anwesenheit des Abtes in Stams: Grund dafür sind die Kriegswirren. Dass ein feindlicher Einfall bevorsteht, bestätigt auch die österreichische Kammer. Die Truppen der Feste Ehrenberg wurden schnell nach Scharnitz verlegt. Stephani ist verzweifelt, weiß er doch nicht, wie er das Klostervermögen in Sicherheit bringen kann. Der Schlüssel für die Kiste, in der Kelche und andere Kleinodien verschlossen und dann vergraben wurden, ist nicht mehr auffindbar. Während die Privatbibliothek des Abtes gerettet ist, weiß Stephani nicht, was er mit den Archivbeständen machen soll. Ein Brief des Landesfürsten liegt bei, der Überbringer des Briefes steht für schnelle Aktionen zur Verfügung. Ad eundem ibidem agentem, 23. Novembris 1646. Reverendissime in Christo pater, gratiose et observandissime domine

(1) Tantis hactenus dierum aliquorum curriculo desideriis reverendissimae pietatis vestrae reditum exspectans exspectavi, quantis antehac numquam. (2) In causa sunt rumores bellici, ut varia, ita et periculosa nuntiantes. (3) Incursum in patriam nostram ab hoste tentandum compertum est ex captivorum confessione et ab ipsa Austriaca camera ad praefectos communitatum pro liquido perscriptum. (4) In procinctu vero hostiles turmas ad talem irruptionem iam esse certa quidem et veridica relatione nondum didici, coniectare id tamen forte ex eo capite liceat, quod tota manus militum conscriptorum in fortalitio Ernbergensi hucusque detenta praeterita die extemporaneo mandato iussa sit, indilate

-- F39r --

dierum ac noctium itinere et acceleratis passibus Schärniziam contendere. (5) Sed quidquid sit de hostis propinquitate, apud nos timor est et trepidatio multos iam dies, quae me consilii iam fere inopem reddiderunt, eo praecipue, quod substantiam et suppellectilem nostram tutandi viam ac modum prorsus ignorem.

(6) Pro novis calicibus aliisque vasis argenteis in cista extra abbatiam reclusis clavem nusquam adhuc reperi, quantumvis diu multumque a me et iudice perquisitam. (7) Ad bibliothecam reverendissimae pietatis vestrae similiter non est, quod penetret, ut libros consarcinet. (8) Thesaurum vero litterarium archivii nostri in arcas quidem totum prope compexi, sed quo securitatis gratia transferendus vel avehendus esset, per omnia nesciens. (9) Itaque in votis istud solum mihi unice est, ut reverendissimam pietatem vestram quamprimum reducem videam, ancipiti fortunae nostrae et rebus ambiguis provido consilio occursuram. (10) Praesentium porro latorem reverendissimae pietati vestrae obviam ob id maxime misi, quod nescirem, quid vel quantum forsan momenti continerent adiunctae a serenissimo nostro [ERROR: no reftable :] a serenissimo nostro] Gemeint ist Erzherzog Ferdinand Karl. emanatae; quae si praegnans quoddam negotium fortassis attingerent, ei citius perficiundo per proprium illas tabellionem anticipato reverendissimae pietatis vestrae ad nos adventu ablegare volui, quod boni, ut spero, consulet reverendissima pietas vestra, et affectum meum sollicitum paterna benevolentia non dedignabitur. (11) Haec raptim et properanter ad lucernam.