Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(4) Institutio patris Philippi ad beneficium Haimingense a parocho Silzensi hodie
peragetur, cui ut ego intersim aut alius monasterii nomine delegatus, necessarium
non videtur, cum iuri nostro tuendo satis cautum videatur per clausulam illam
decreto consistoriale expresse insertam, qua beneficium praenominatum citra
praeiudicium cuiuscumque provisorie conferri iubetur. (5) Ceterum ut ex coniecturis
quibusdam ominor, inter paroecum et beneficiarium iam dictos haud magna erit
amicitia nec diuturnus animorum consensus, altero scilicet plus sibi potestatis,
quam simplici capellano competat, arrogante, altero vero de parochiali iurisdictione
et praerogativa nil sibi demi patiente.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|