89. Stephani an Thomas Eggenstein, Dekan in Imst Stams, 29. Oktober 1646 Der aus Günzburg stammende Martin Schnegglin musste vor den Kriegswirren fliehen und kam nach Tirol, wo er auf Fürsprache der Erzherzogin Claudia [de’ Medici] in Brixen zum Priester geweiht wurde. Weil der Richter von Stams sein leiblicher Verwandter ist, verschlug es ihn auch nach Stams. Nun bittet er darum, ihn zu bedenken, wenn irgendwo eine vakante Stelle zu besetzen sei. Stephani bittet den Dekan, den er nicht persönlich kennt, an diesen Mann zu denken, wenn sich etwas ergibt. Stephani preist die Vorzüge Herrn Schnegglins. Ad decanum in Imbst, dominum Thomam Eggenstain, intercessionales, 29. Octobris 1646. Admodum reverende, nobilis et clarissime domine decane Cum precibus prompta obsequia

(1) Praesentium exhibitor Martinus Schnegglin, Guntiae oppido oriundus, devastata non ita pridem hostibus armis patria sua, orbus parentibus et amissis ad istas partes confugit, ubi obtenta a serenissima archiducissa Claudia titulo mensae Brixinae presbyteratus ordinem indeptus est ibidemque primitivum sacrum suum sacerdoti altissimo immolavit. (2) Nunc ergo cum natale solum repetere nequeat, utpote expilatum et ad incitas redactum, partim ex occasione itineris, partim etiam iudicis nostri (quem unicum adhuc consanguineum habet) salutandi gratia ad nos delatus, supplex petiit aliquo a nobis beneficio provideri, siquod in nostris incorporatis ecclesiis viduatum extaret. (3) Ceterum cum nos huic eius honestissimae petitioni pro tempore satisfaciendi ansam non habeamus, quantumvis ad gratificandum pronissimi, si liceret, ad reverendam admodum dominationem vestram, ignotus licet, cum multa fiducia appello obnixius rogitans, ut siquod in districtu decanatus sui simplex beneficium vacet, huic neo-mystae et bene morato iuveni, alias derelicto, et pro nunc consilii et fortunarum inopi, illud benigna mente conferre dignetur. (4) Habebit sacerdotem, ut spero, non discolum, sed maturum, boni exempli, litterarum non minus quam musices peritum ac denique, ne multa depraedicem, imperia et directionem reverendae admodum dominationis vestrae non detrectantem. (5) Hoc si ille precibus et ego intercessione mea impetraverimus, reverenda admodum dominatio vestra me quidem novo gratitudinis nexu sibi devinciet, illum vero dignum experietur, in quem istud benevolentiae contulerit. (6) Datum in Stambs etc.