Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(3) Duo tamen adhuc sunt, qui dies feliciores suspirent, patres scilicet Simon et
Malachias, quorum ille in statu quidem est convalescentiae bracchiorum robur
paulatim recuperans; hic vero per omnia in antiquis stat adhuc terminis, post tot
tam diversa ac sumptuosa medicamina totus adhuc mancus, totus debilis et enervis,
manus et bracchia circumferens velut emortua; de cuius statu ut multa paucis
eloquar, illud tantum dixero, me per integrum iam trimestre spatium infirmitatis
ipsius nondum deprehensisse, eum vel in minimo mutatum ad meliora. (4) Verificabitur
proinde in ipso medicorum illud axioma: morbi autumnales aut longi aut mortales.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|