Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
85. Stephani an seinen Bruder Laurentius Stephani in Wilten
[Stams], 4. Oktober 1646
Wie schon im letzten Brief an Laurentius (ep. 84) befürchtet, muss Stephani seinen
Bruder nun vom Ableben des Wolfgang Lebersorg unterrichten. Sephani schickt alle die
Erzbruderschaft des Rosenkranzes betreffenden Dinge nach Wilten. Stephani bittet,
den Katalog der Mitglieder der Bruderschaft zu überprüfen und notfalls mittels eines
beiliegenden Zettels zu ergänzen.
Ad eundem 4. Octobris anno 1646.
Fraternam germano e pectore salutem cum precibus
Admodum reverende, clarissime et honorande domine, frater studiose colende
(1) Quod in proxime datis praenuntiaveram futurum brevi, ut alteram quoque de rosario
schedam vacantem dominationi vestrae admodum reverendae remitterem, id
impraesentiarum adimpleo; decessit nam admodum venerabilis senex noster pater
Wolfgangus Lebersorg,[ERROR: no reftable :] Wolfgangus Lebersorg] Zum Tod von Pater Wolfgang
Lebersorg vgl. Baumann 1935,
7. qui uno et 50 annis sacerdos ac de coenobio nostro totaque
eius posteritate optime meritus secunda die Octobris non tam morbi alicuius
molestia, quam sola fere virium naturalium prae senio resolutione circa sextam
matutinam spiritum placidissime posuit, memoriam sui relinquens nobis in
benedictione. (2) Eius animam tametsi quasi indubitanter confidam aeterna apud
superos quiete iam refoveri, quia tamen recondita sunt iudicia Dei, illam reverendae
admodum dominationi vestrae ac toti Marianae confraternitati meliore quo possum modo
recommendo, ut siquae leviores forte eius maculae litem adhuc apud supremum tribunal
moverent, communi multorum perorantium pro ipso suffragio causam obtineat ac
libertatis pileo donetur. (3) Porro quia praedictum piae memoriae patrem in
archiconfraternitatem rosarii a me quidem susceptum recolo, sed albo confratrum
generali insertum nescio, cum eius memoria reverendae admodum dominationi vestrae
simul etiam alios quosdam notifico incluso schediasmate expressos, qui omnes
Deiparae rosetum ingressi ter fortunato Marianorum militum catalogo adscribi
percupiunt, cum quibus me quoque reverendae admodum dominationi vestrae in preces et
sacrificia commendatum peropto.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|