(7) Denique cum non ita pridem balneatorem nostrum amiserimus Oeniponte fato abreptum (quod excellentia vestra haud dubie inaudierit) istud etiam rogo, ut siquis indagari possit, non tantum balneatoriae, sed et chirurgicae gnarus (caelebs tamen et bene moratus), eum nobis excellentia sua conducere et in Stambs pro data occasione dignetur dirigere. (8) Obligatus ero et hoc, et quidquid antehac beneficiorum umquam percepi, grata semper ac memori mente reponere. Hisce etc.