Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Nescio, quid malae influentiae hoc anno sidus caninum[ERROR: no reftable :] sidus caninum] Die Hundstage
gelten als die heißeste Zeit des Jahres und dauern von Ende Juli bis
Ende August. Ihren Namen haben sie deshalb, weil in dieser Zeit die
Sonne zugleich mit dem Hundsstern (Sirius) aufgeht.
ferat male habentibus apud nos non uno tantum vel altero, sed septem conventualibus,
quibus omnibus hoc unum fere commune est, quod debilitatem querantur stomachi cibum
vel omnino reiectantis vel aegre ac cum nausea retinentis; quod quidem ego potui
frigidiori et largius sumpto adscribendum auguror. (2) Pater Malachias Saur adhibito
enemate et usu balnei ac vino purgativo ante dies circiter 14 plene iam iam
convaluit, sed biduo post occasione amici cuiusdam eundem invisentis per excessum
potationis recidivus factus, posteriora paene deteriora fecit prioribus, adhuc vel
cholicae vel calculi vel aliis diversis affectibus obnoxius. (3) Commiseratione
tamen ex eo capite parum dignus, quod vino, cuius usum illi excellentia vestra
interdixerat, numquam hactenus abstinuerit, sed tam ad pastum in mensa, quam etiam
(quod peius) intempestive, mane vel vesperi, illud sumpserit.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|