Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Senior Caesariensis, pater Caspar,[ERROR: no reftable :] pater Caspar] Gemeint ist Pater Caspar Dempf
(vgl. ep. 72,1). repatriandi causa a nobis nuper
digressus ad monasterium sancti Magni in Faucibus, circiter secundam a meridie
itinere felici et auspicato pervenit indeque mox summo mane posterae diei ratem
conscendit, Lyco Augustam deportandus. (2) Melius aliquantum habuisse nuntiatur,
quamprimum fines Rhaetiae attigit et aeris mutationem persensit. (3) Puero vectori
ad reditum pro viatico dati sunt a fratre Iosepho quattuor floreni, quibus utique et
se et equos laute curare potuit, quamquam minus fere tali salario dignus, quippe qui
per negligentiam suam carpentum ita mutilum retulit, ut illud subpraefecto
Peterspergensi restituere taliter constitutum non audeam, confracta nimirum cista
pro asservandis rebus post temonem religata et plerisque loris per furtum inde
ablatis.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|