7. Stephani an Georg Buchmüller, Regens des Konvikts in Ingolstadt [Stams], 3. September 1641 Stephani bedankt sich für zwei Briefe, die er von [Buchmüller] erhalten hat, und entschuldigt sich, nicht gleich geantwortet zu haben. Das lang ersehnte Gepäck aus Ingolstadt ist endlich angekommen. Immer noch vermisst Stephani jedoch die in Augsburg bestellten Brillen. Der Regens möge auf den Optiker Wiselius Druck ausüben. Stephani erklärt sein Leiden: Nach längerem Studium bei künstlichem Licht kann er die Buchstaben nicht mehr lesen. Daher freut er sich sehr auf die bevorstehende Ankunft der Brillen. Ad eundem reverendum patrem regentem,[ERROR: no reftable :] regentem] Gemeint ist Georg Buchmüller. 3. Septembris anno 1641. Admodum reverende in Christo pater, colendissime regens

(1) Litteras reverentia vestra iam binas ad me destinavit; accepi ambas,

-- F4r --

ad neutras respondi, quia vix tantum otii suberat praelectionibus philosophicis[ERROR: no reftable :] praelectionibus philosophicis] Von seiner Rückkehr nach Stams 1640 bis zu seiner Einsetzung als Prior war Stephani als Lector Philosophiae tätig. intento. (2) Doliolum[ERROR: no reftable :] doliolum] Vgl. ep. 1; 6. cum sarcinulis, quorum mihi usus Ingolstadii fuerat, postridie dominicae Laetare[ERROR: no reftable :] postridie ... Letare] 11. März 1641. tandem laetabundus accepi, in eoque sarta tecta omnia reperi, pro cuius promotione grates reverentiae vestrae ago, quantas possum, et cuperem referre, quas deberem, si tantum in me opis esset.

(3) Ceterum perspicilia[ERROR: no reftable :] perspicilia] Vgl. ep. 1,4. Augustae a me conducta avidius adhuc exspecto, quam solem orientem in Phoenicia servi, quae tum, ut intelligo, non modo confecta non sunt, sed necdum fieri incipiunt, cum apud dominum Wiselium[ERROR: no reftable :] Wiselium] Vgl. ep. 6,4. nulla amplius, quod audio, mei memoria superstet. (4) Quocirca tot iteratis precibus meis supremas adhuc iungo et reverentiam vestram humanissime obtestor, adlaborare dignetur, voti ut me mei damnatum brevi videam et ocularia, quae desidero, demum aliquando in Stambs divertant. (5) Quodsi opticus Augustanus informationis meae, quam olim in coram dedi, oblitus visus mei conditionem rursum nosse cupiat, indicari eidem a reverentia vestra poterit oculorum meorum eam esse constitutionem, ut ad mediocrem distantiam typum etiam tenuiorem commode legere valeam et omnia oculis obiecta clare ac distincte sine nebulis cernam; in eo solum omnem paene eorundem defectum versari, quod cum lectionem per horas binas aut ternas continuare cogor, oculorum acies ita fatigetur atque hebescat, ut nec litteras agnoscere aut discernere valeam, idque vel maxime, cum de nocte ad lucernam studendum est, cuius lumen libero obtutu absque dolore ferre non possum, ut proinde semper umbraculo quodam candelarum radios ab oculis arcere oporteat, quod ipsum tam tantum non valet, quin per horariam lectionem visus deficiat. Atque haec oculorum meorum debilitas et hebetudo non ab heri primum aut nudiustertius exorta, sed iam inde ab annis pueritiae me comitata est. (6) Specularia porro confecta cum fuerint, occasionem spero reverentiae vestrae non defuturam ad me eadem dirigendi, quorum gratus semper mihi erit adventus, quantumvis serus. Sed ne prolixitate mea molestus sim, receptui cano et reverentiae vestrae me omni modo meliora commendo.