(1) Venerabilis senior pater Carolus,[ERROR: no reftable :] pater Carolus] Vgl. ep. 60,5. hospes noster, saepius iam (ut reverendissimae pietati vestrae notum est) ad matrem suam remeare desideravit Caesaream; at modo altiore Dei consilio ad matrem quidem rediit, sed matrem omnium, soluto naturae debito ad patriam supernae civitatis Ierusalem octavo Aprilis translatus. (2) Lucta ei cum morte admodum brevis fuit ac subita, vix ullo antegresso indicio alicuius propinquioris periculi. (3) Confessus est mane praenominatae diei sub medium octavae; cui post decantatum maius officium, sacrum viaticum et olei sancti delibutionem supremam comitante toto conventu, ut moris est, conferre disposui; sed cum officio longius protracto sexta [ERROR: no reftable :] Inter protracto et sexta unum verbum non legitur. succederet, differri negotium voluit nosque ad prandium ire iussit addens missurum se tempestive, si aegritudinem ingravescere persentiret. (4) Refectione peracta invisitur a patre Martino[ERROR: no reftable :] Martino] Pater Martin Stöger (1592-1677, Album Stamsense Nr. 430). et post a patre Wilhelmo;[ERROR: no reftable :] Wilhelmo] Pater Wilhelm von Köstlan (auch Cestly) aus Innsbruck (Album Stamsense Nr. 433). conversatur cum utrisque, deposcit vinum non defaecatum, sumit iusculum inspectantibus illis et neutro deprehendente signum aliquod proximi discriminis. (5) Sed his ex hypocausto vixdum digressis inopinato agone correptus ducitur ad extrema et inclamantibus patre Malachia [ERROR: no reftable :] Malachia] Pater Malachias Saur (Album Stamsense Nr. 447). et fratre Iosepho salvifica nomina Iesu et Mariae vix spatio duorum vel trium “Pater noster” cum morte conflictatus, spiritum posuit ipsa dominica in albis ad turbam dealbatorum, uti pie confidimus, assumptus. (6) Exsequias ei sicut uni ex nostris persolvimus et adhuc tricenarium aliaque consueta rite peragimus. (7) Eius obitum reverendissimo Caesariensi [ERROR: no reftable :] reverendissimo Caesariensi] Gemeint ist Abt Georg IV. Müller von Kaisheim. proxima Martis perscribam [ERROR: no reftable :] perscribam] Siehe ep. 66. interea me et commissos reverendissimae pietati vestrae humiliter commendans eidemque omnem qua corporis qua animae sospitatem et prosperos negotiorum successus animitus exoptans.