Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
63. Stephani an Johannes Schnürlin, Kooperator in Mais
[Stams], 22. Januar 1646
Lange Zeit haben sich Stephani und Schnürlin nicht mehr geschrieben. Schnürlin hat
das Schweigen gebrochen und noch süße Brote mitgeschickt, die Stephani ordnungsgemäß
verteilt hat. Leider kann er ihm nur die leeren Gefäße zurückschicken. Den eisernen
Kerzenständer, um den Schnürlin gebeten hat, will er bald besorgen. Ein Sonnenschirm
wird jetzt mitgeschickt. Dass Schnürlins Verkauf so schlecht läuft, bedauert
Stephani.
(1) Diu iam quievere calami utrimque nostri et stipulatio sive promissum mutuum, quod ante biennium, cum reverentia vestra profectionem [ERROR: no reftable :] profectionem] Schnürlin trat sein Amt als Kooperator in Mais am 9. März 1644 an. pararet in Mais, de litteris inter nos crebrius reciprocandis pepigimus, paene iam intercidere velle visum est, quippe inter quos per menses iam quinque nihil ultro aut citro transscriptum est. (2) Sed rupit tandem silentium reverentia vestra mittens ad me per aurigas nostros non litteras solum, sed et panes aliquot dulces una cum cydonitide, quae ego prout cuique inscripta et destinata fuerant, distribui, gratias singulis magnas agentibus et maiores acturis, si ad ieiunium instantis quadragesimae simili quoque pabulo munirentur. (3) Vascula porro reverentiae vestrae non nisi vacua remittere possum nihil ad manum habens, quod xenii vice offerrem. (4) Candelabrum ferreum, quod petit et desiderat reverentia vestra, occasione proxima fieri curabo per aurigas paulo post transmittendum. (5) Umbraculum in praesens mitto, quia commodissime intra vas istud ligneum sine periculo fractionis vehi posse iudicabam. (6) Quod collecturae vestrae venditio tam parum succedat et ipsum illud, quod vaenum hactenus dedistis, pretio tam tenui distrahere cogamini, equidem vobis compatior optans, ut quidquid de genimine vitis pro sudoris vestri remuneratione vobis oblatum in penu vinaria recondidistis, totum id et celeriter et cum lucro reportato inter emptorum turmam divendatis. (7) Atque hisce reverentiam vestram et confratres reliquos salvere iubeo perhumaniter.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |