(7) Tractatum est a Silzensibus ante aliquot dies de capellano in Haimingen instituendo, praesentante se clerico quodam exulo Suevicae, ut autumo, nationis, reverendo admodum patri Staub bene noto, qui num actualiter ibidem iam sit susceptus, an secus, nihil adhuc comperi. (8) Apud nos saltem nemo Silzensium super hoc negotio vel verbo se insinuavit. (9) Atque hisce ego et filii omnes reverendissimae pietati vestrae humiliter commendati esse cupimus.