Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Destinatas nobis a reverentia vestra castaneas aurigae nostri septimo Octobris
fideliter attulerunt, quas cum grata memoria reverentiae vestrae absumemus, sicut et
uvas aliosque telluris vestrae fructus ad beatissimi patris nostri Bernardi
[ERROR: no reftable :] patris
Bernardi] 20. August. festivitatem nobis transmissos cum
gustu omnes absumpsimus. (2) Peracceptus proinde et gratus nobis est fraternus
reverentiae vestrae, quem in nos declarat, affectus et amor, dum quavis fere occasio
nostri memor aliquo Athesini obsonii munere confratres suos laetificat. (3) Quodsi
terra vestra hoc anno nucum copiam forte tulit, valde gratum accidet conventui,
siquam illarum portionem nancisci possit, quippe qui ob sterilitatem arborum
nostrarum ne unam quidem nucem huius anni, quod sciam, adhuc gustavimus. (4) Interea
reverentia vestra quam optime valeat ac sui memorum immemor non existat.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|