58. Stephani an Abt Bernhard Gemelich in Mais [Stams], 10. Oktober 1645 Die Boten aus Südtirol sind wohlbehalten angekommen und kündigen eine eher bescheidene Ernte an. Dennoch hofft Stephani, dass es noch zu mehr Erträgen kommen wird. Der Gesundheitszustand in Stams ist allgemein gut, nur Pater Matthäus [Wilhalm] leidet an der Wassersucht. Andreas Löchl und Ursula Stufer haben den Abt eingeladen, ihre Hochzeit am 24. Oktober zu zelebrieren. Die beiden Patres aus Kaisheim müssen wohl den Winter über in Stams bleiben, was Quartierprobleme mit sich bringt. Ad eundem ibidem versantem, 10. Octobris 1645. Reverendissime in Christo pater, observandissime et gratiose domine

(1) Appulerunt in Stambs aurigae nostri cum prima vini vectura septimo Octobris die sub tempus cenae incolumes et salvi omnes, toto, ut asserunt, itineris tractu ab infortuniis praeservati et benigne protecti, a quibus litteras reverendissimae pietatis vestrae ocius recepi; quibus licet vindemia nobis non usque adeo fertilis nuntietur, quia tamen sunt scriptae maturius, quam generale vindemiandi tempus adesset, spem nobis facimus ipsi futurum interea fuisse, ut tota vitium propago collecta proventum vini tulerit exspectatione forsan uberiorem.

(2) De valetudine fratrum hoc temporis nihil est, quod querar, valemus nam taliter, ut exorandum nobis sit numen, quatenus in statu simili clementer omnes conservet ac cum membris praecipue caput diutissime sospitet. (3) Solus pater Matthaeus [ERROR: no reftable :] pater Matthaeus] Gemeint ist Pater Matthäus Wilhalm ( >Album Stamsense Nr. 431), der 1644 Subprior war und 1647 starb.

-- F27r --

a languore suo nondum sanatus ex hydrope etiamnum claudicat, haud dubie diu adhuc producturus vitam, si vitem non adeo deamaret. (4) Is nunc per unam vel sesque hebdomadem eatenus maliuscule habet, quatenus ex grabato nunc eluctatus per intercalares saltem dies vel horas et altari et choro psallentium assistit, quantumvis statione infirma.

(5) Invitatur reverendissima pietas vestra ad festa hymenaei 24to Octobris celebranda a sponsis Andrea Löchl et Ursula Stuferin, quorum litteras, cum praeter invitationem nihil contineant, transmittere vix pretium foret operae, nisi tam bona praesto esset occasio, per aurigas nostros easdem dirigendi.

(6) Duo patres Caesarienses,[ERROR: no reftable :] duo ... Caesarienses] Aus ep. 60,5 geht hervor, dass es sich um die Patres Karl und Sebastian handelt. etsi ob modernas apud nos habitationum incommoditates non parvo sint oneri, portandi tamen per hiemem nobis erunt eisque stativa hibernalia, ut in inclusis supplicatur, inter nos concedenda; quos faxit Deus, ut vere saltem venturo melior afflet aura, qua in Sueviam suam vel terram, quam votis expetunt, deportentur. (7) Interim reverendissima pietas vestra precamur, ut valeat ac suam in brevi nobis praesentiam exhibeat, utinam aliquando stabilem.