(3) Alio longe cothurno incedit aliamque nobis cantilenam occinit antistes Morimundensis,[ERROR: no reftable :] antistes Morimundensis] Gemeint ist Abt Franciscus II. de Machaut von Morimond. semper adhuc minas et fulmina tonans. (4) Scripsit is praeterita aestate litteras ad reverendissimum Gallico idiomate, ante paucas primum septimanas in Stambs perductas, quas a linguae illius perito in Latinas transsumptas copialiter amplissimae dominationi vestrae hisce inclusas iussu reverendissimi mei submitto, quae sicuti fastu et typho arrogantiae tument, ita sane cunctos congregationis nostrae reverendissimos praesules praemonent, ut adversus illius imminentia tela caute sese communiant et tuendis iuribus nostris vires unitas cordate iungant. (5) Quod ut fiat supremum Numen impsense exoro ac simul reverendissimae amplitudini vestrae me meosque omnemque coetum Stambsensem tota devotione commendo. (6) Ex Stambs 14. Octobris anno 1670.