(6) Terruit me hisce diebus pater cellarius noster inamoeno nuntio, quod in peramplo praedio nostro Bratsch nuper valde curta fuerit vindemia, octoginta urnarum minore proventu, quam superior tulerat annus. (7) Spero tamen alia vineta nostra uberiorem datura fructum, qui exspectationi nostrae et monasterii necessitatibus respondeat. (8) Dabam ex Stambs sabbato ante promulgatum apud nos iubilaeum, id est 11. Octobris anno 1670.