Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

573. An Abt Anselm I. Muotelsee von Salem Stams, 20. Mai 1670 Im Namen von Abt Augustinus Haas: Abt Haas bedauert es, dass die übersandte Bulle Papst Innozenz’ nicht den Anforderungen entspricht. Das Sigel des Fischerringes ist nicht mehr erkennbar. Wo der Schaden entstanden ist, ist unklar, hatten doch nur wenige Leute Zugang zu dem Dokument. Wenn es schon in Rom passiert wäre, hätte es Haas’ Vorgänger, Abt Bernhard Gemelich, sicherlich zurückgeschickt. Vielleicht passierte es während des häufigen Abschreibens im ersten Jahr nach der Ausstellung. Abt Haas hat Probleme mit einem Konventualen, einem 19jährigen Priester, der an der Melancholie leidet. Ein Klimawechsel durch eine Reise nach Salem würde ihm gut tun. Deshalb bittet Abt Haas seinen Kollegen um diesen Gefallen. Pater Robert [Kraff] aus Salem, der sich gerade in Stams aufhält, geht es gut.

-- F265r --

Ad abbatem Salemitanum, 20. Maii anno 1670, nomine reverendissimi. Reverendissime et amplissime praesul, domine domine observandissime

(1) Male admodum me habet transmissam Innocentii bullam non ea forma et nitore praeditam, quo a reverendissima amplitudine vestra desiderabatur. (2) Ubi vero vel qua ratione cera in annulo piscatoris oblitterata sigillum sive imaginem amiserit, nemini in Stambs compertum est, siquidem praefata bulla in paucorum oculos ac manus incurrit, solis forsitan antecessori meo, domino abbati Bernardo, [ERROR: no reftable :] antecessori ... Bernardo] Gemeint ist Abt Bernhard Gemelich. et reverendo patri Benedicto Staub piae memoriae tunc congregationis secretario in Stambs versanti visa et contrectata, quae hactenus per annos quam plures in scrinio inter litterarum fasciculos delituit. (3) Si coniecturis uti liceat, plus quam credibile est rescriptum hoc Romae tam informe non prodiisse, alioqui enim honoratissimus antecessor meus, vir accuratus, verosimiliter illud ad urbem Romam remisisset et aliud perfectius signatum expediri curasset. (4) Suspicari proin forte non de vano quis posset, primo anno, quo diploma istud a pontifice Innocentio obtinuimus, plerosque abbatum congregationis nostrae aliquod illius apographum efflagitasse sicque per multiplices descriptiones et accedentem fortassis incuriam scriptoris de sigillo a tergo exstante nihil solliciti sensim cerae imaginem fuisse complanatam. (5) Sed hoc intra limites coniecturae tantum relinquens authentice nihil probare possum.

(6) Porro est, cur reverendissimam amplitudinem vestram circa aliquod caritatis officium paucis interpellem. (7) Habeo inter conventuales meos sacerdotem unum, [ERROR: no reftable :] unum] Gemeint ist Pater Theodor von Preisach. 19 iam annos a professione numerantem, qui a longiusculo iam tempore melancholiae morbo graviter infestatur, ita ut noctes magna ex parte insomnes ducat et tabescente sanguine ad valetudinis ruinam propediem vergat. (8) Persuasum is

-- F265v --

sibi habet, si auram aliquantisper mutare et in celeberrima reverendissimae dominationis vestrae mandra Salemitana ad breve aliquod tempus respirare posset, brevi suae sanitati consultum iri. (9) Ego, qui fratrum mihi commissorum tam corporalem quam spiritualem sospitatem habere compellor, hisce reverendissimam et amplissimam dominationem vestram amicissime rogo, quatenus praedicti patris mei impressioni paterne condescendendo eidem ad aliquot mensium curriculum caritatis atque hospitii ianuam dignanter aperire non renuat. (10) Expedietur interea reverendissimae amplitudinis vestrae filius pater Robertus[ERROR: no reftable :] pater Robertus] Gemeint ist Pater Robert Kraff aus Salem (vgl. ep. 564). in monasterio meo omnem benevolentiam ac paternam provisionem. (11) Responsum dum exspecto, reverendissimam et amplissimam dominationem vestram supernis coeli favoribus obnixissime commendo. (12) Ex Stambs 20. Maii anno 1670.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic