571. An Abt Benedikt Hein von Kaisheim [Stams], 15. April 1670 Im Namen von Abt Augustinus Haas: Abt Haas hofft, dass das Osterfest in Kaisheim glücklich gefeiert werden konnte. Die Nachricht vom Tod des Generalabtes Claude [Vaussin] war traurig, ebenso die Absage des Generalkapitels. Mit göttlicher Hilfe wird man bald wieder einen Generalabt haben. Abt Haas hätte schon früher mit dem Ergebnis der Neuwahl gerechnet. Er dankt für die Weiterleitung der traurigen Nachricht aus Kaisheim. Ad abbatem Caesareensem, 15. Aprilis anno 1670, nomine reverendissimi. Reverendissime et amplissime praesul, domine domine observandissime

(1) Resurgentis Christi festivum phase reverendissimam amplitudinem vestram cum suis in laetitia et exultatione transegisse credam, et ut hic gaudii fomes in sospite ac bene sano corpore reverendissimae dominationis vestrae quam diutissime perduret, animitus opto, donec in Ierusalem, quae sursum est, perpetuum cum beatis Alleluia decantet. (2) Triste nuntium de illustrissimi nostri archimandritae Claudii [ERROR: no reftable :] illustrissimi ... Claudii] Gemeint ist der verstorbene Generalabt Claude Vaussin. et consueta revocatione comitiorum generalium citius percepi, quam volupe erat, spero tamen futurum, ut clementia supremi Numinis post turbinem desolationis brevi rursus serenum nobis infundat communemque luctum ex tanto funere susceptum novi in Cistercio sideris exortu suaviter abstergat. (3) Equidem existimaveram nos laeto evangelio de prospera electione optati successoris iam propediem in paschate recreandos fore, quandoquidem, ut inaudivi, electioni praefixus fuit dies Martii decimus nonus, festivus sancto Iosepho, a quo iam mensis diffluxit.

(4) Pro communicato decreto ex Cistercio emanante super orationibus et suffragiis, quae pro requie animae praefati reverendissimi domini generalis conferre postulamur, merito est, quod reverendissimae amplitudini vestrae gratias agam, quamvis illo non exspectato statim ab

-- F264v --

accepto mortis nuntio in monasterio meo iusta eidem persolvi curaverim. (5) Atque hisce reverendissimae et amplissimae dominationi vestrae me meosque commendans maneo.