Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

57. Stephani an Abt Bernhard Gemelich in Mais [Stams], 25. September 1645 Noch am Vorabend der Abreise des Abtes nach Mais kam ein Maler aus Feldkirch in Stams an. Dieser will das Bild des Hochaltares kostenlos malen, wenn nur sein Sohn im Kloster aufgenommen wird. Der erst vor kurzem mit der Leitung des Stamser Postwesens beauftragte Johannes Jäger kam eine halbe Stunde nach der Abreise des Abtes in Stams mit dem aus Hall bestellten Geldbeutel an und hofft, das versprochene Geld dafür zu bekommen. Der dem Subprior unterstellte Chor ließ mit Erfolg einen Aderlass durchführen. Ad dominum abbatem nostrum in vindemiis constitutum, 25. Septembris 1645. Reverendissime in Christo pater, observandissime domine

-- F26v --

(1) Pictor Veldkirchensis, quem nuper reverendissima pietas vestra pridie abitus sui in Stambs de sero appulisse novit, puerum suum conventui nondum stitit praesentaturus eundem, ut credo, ubi reverendissimam pietatem vestram soluta vindemia reducem rescierit. (2) Is porro cum vale mihi faceret et iam iam in procinctu itineris esset, de summo altari nostro coloribus vestiendo mentem suam aliter multo declaravit, quam nocte pridiana exposuerat. (3) Qui nam prius diserte edixerat depicturum se idem altare sine ullis (praeter convictum mensae, quem a nobis deposceret) nostris expensis atque ne obolum quidem e nostro monasterio exportaturum abiens ita se explicavit, ut daretur intelligi eum nihil quidem a reverendissima pietate vestra expetere de iam dicto peculio monasterii sibi erogandum; (4) interim tamen salarium sibi competens Veldkirchii deducturum de illa legitima, quam filius suus professionem aliquando apud nos facturus coenobio pro dote deberet conferre.

(5) Operi nostro aurigario noviter praefectus Ioannes Jäger novam crumenam Hala attulit semihora post, quam reverendissima pietas vestra a nobis discesserat, cui proinde licet coram exhibere eam non potuerit, sperat tamen nihilominus pretium illius ex condicto sibi refundendum, quandoquidem id expressim ei promissum fuerat, si crumenam saltem sub vesperum illius diei allatam praesentaret.

(6) Phlebotomiam heri celebravit chorus patris subprioris[ERROR: no reftable :] patris subprioris] Gemeint ist Pater Matthaeus Wilhalm (vgl. Album Stamsense Nr. 431). successu admodum prospero, quem in simili ego quoque cum consortibus meis spero et expecto ad Kalendas Octobris. (7) Interea Deus dives ac praepotens, qui quos vult, pauperes facit et ditat, vindemiam nostram (si ita libitum sibi fuerit) pinguefaciat et omnes in ea laborantes in pace custodiat.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic