Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

563. Stephani an Abt Augustinus in Steingaden Stams, 10. Januar 1670 Stephani erwidert die Neujahrsglückwünsche des Abtes. Außderdem bedankt er sich für die Pillen, die er von einem guten Arzt in Augsburg mitgeschickt bekam. Er ist sich sicher, dass ihm die Pillen gleich gut tun werden, wie dem Abt. Er bietet seinerseits die Bereitschaft zu Gefälligkeiten an. Ad reverendissimum dominum Augustinum abbatem in Staingaden, Idibus Ianuariis anno 1670. Reverendissime et amplissime praesul, colendissime domine domine

(1) Quam reverendissima amplitudo vestra mihi ab infante Bethleemitico adprecata est anni novi felicitatem, eandem omnino reverendissimae

-- F261v --

et amplissimae dominationi vestrae votis omnibus precor atque exopto in annos quam plurimos. (2) Pergratum illud recipe pilularum, quas excellens quondam medicus Augustanus suo praestanti ingenio composuerat, cum litteris reverendissimae amplitudinis vestrae laetanter accepi servaturus illud inter ea, quae mihi cara quasi quoddam cymelion. (3) Nec dubitabo, quin sicuti earundem pilularum usus amplissimae dominationis vestrae hactenus evidenti bono fuit, ita et posthac mihi divino Aesculapio dante in corporis mei cessurus sit commodum. (4) Ceterum sicut erga reverendissimam amplitudinem vestram debitorem me libens profiteor, ita et ad vicariae gratitudinis officia in quoscumque eventus eidem me offero paratissimum. (5) Deus ter optimus Steingadio bene meritum caput suum in seras aetates conservet incolume! (6) Dabam ex Stambs Idibus Ianuariis anno 1670.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic