552. An Abt Alberich Degen von Ebrach [Stams], 23. Juli 1669 Im Namen von Abt Augustinus Haas: In seinem letzten Schreiben übermittelte Abt Degen die Erlaubnis für seinen Pater Kuno [Vogt], sich in ein Zisterzienserkloster seiner Wahl zu begeben. Da in Stams kein Platz ist, will Pater Vogt nach Österreich gehen und fuhr mit einem Empfehlungsschreiben vor acht Tagen nach Heiligenkreuz. Als Reisegeld hat er ihm 20 Gulden mitgegeben, die er irgendwann aus Ebrach zurückerstattet haben möchte. Was die Schulden in Höhe von 2000 Reichsmark am Haller Salzamt betrifft, muss Abt Haas erst weitere Nachforschungen anstellen. Im Moment werden in Tirol jedoch keine Beträge ausbezahlt, wenn keine Interpellation des Kaisers gegeben ist. Auch das Kloster Stams leidet darunter. Ad abbatem Ebracensem, 23. Iulii anno 1669, nomine reverendissimi. Reverendissime, amplissime et honoratissime domine praesul

(1) Quas reverendissima dominatio vestra postridie corporis Christi ex Ebraco ad me dederat, quinto Nonas Iulii rite accepi, ex quibus perspicere licuit reverendo patri Cunoni,[ERROR: no reftable :] patri Cunoni] Gemeint ist Pater Kuno Vogt aus Ebrach. si ad gremium matris suae redire displiceat, licentiam in alio quopiam ordinis asceterio commanendi iam antehac datam, denuo prorogari atque extendi. (2) Quia ergo praedictus pater in conventu meo (quantumvis alioqui illius contubernio multum affici videbatur) ob causam in prioribus meis allegatam stationem figere non potuit, habita secum deliberatione Austriam petere constituit, sicque ante octiduum mihi meisque valedixit nactus occasionem exoptatissimam navigii Viennam usque currentis, quem non solum dimissoriis patentibus, verum etiam peculiari epistula [ERROR: no reftable :] peculiari epistula] Gemeint ist ep. 550. commendatitia ad reverendissimum praesulem Sanctae Crucis directa communivi. (3) Et quia nervo pecuniae (itinerantibus pernecessario) admodum destitutus erat, ad humilem ipsius instantiam viginti florenos abeunti in viae subsidium

-- F256v --

numeravi, uti ex ipsius apocha hic inserta videre est, quos quidem suo tempore, cum fors in diaeta aliqua nationali congrediemur, a reverendissima dominatione vestra vel eiusdem delegato mihi refundendos exspecto.

(4) Ad debitum illud 2000 imperialium, in salina Halensi affixum quod attinet, curavi quidem inquiri, an liquidum et legitimum sit, sed nihil adhuc determinate comperi, quin tamen ulteriore adhuc utar indagine, non intermittam. (5) Interim vero reverendissimae amplitudini vestrae sincere et candide significo in officio salinae et in camera Oenipontana praetensiones quascumque et debita quantumvis liquidissima hoc tempore ferme haberi, quasi non sint, siquidem nemini creditorum vel obolus aut teruncius inde persolvitur, nisi quis in aula Viennensi ab imperatore per singularem gratiam forte aliquid extorserit. (6) Ego ipse nomine monasterii mei tam in camera quam in salina pluribus millibus implicitus sum, a multis tamen iam annis nihil emolumenti percipio, quotiescumque pulsem, semper clausa est ianua. (7) Proinde in patria nostra nunc temporis status est satis afflictus, id quod reverendissimae et amplissimae dominationi vestrae amica fide patefacere volui eidem me commendans et manens.