(1) Nactus occasionem reverendissimae amplitudini vestrae denuo grates agendi pro eximia humanitate et benevolentia, qua me ante quadriennium [ERROR: no reftable :] ante quadriennium] Abt Haas war im August 1665 in Wien (vgl. ep. 472). excepit, committere nolui, quin pauculos apices grati adhuc animi testes ad eandem reverendissimam amplitudinem vestram dirigerem. (2) Et sane parum

abfuit, ut nos alterutrum comminus rursum in osculo pacis salutassemus. (3) Si enim exquisitissima occasio Viennam discendendi, quam harum exhibitori fortuna suppeditavit, maturius mihi cognita fuisset, nae ego ad promovenda monasterii mei plura negotia navigantibus comitem me iunxissem. (4) Ceterum quia praesentium baiulus, reverendus et religiosus pater Cuno Vogt, celeberrimi monasterii Ebracensis in Franconia professus ac sacerdos, qui octo vel novem hactenus septimanas apud me hospitem egerat, de superiorum suorum [ERROR: no reftable :] superiorum suorum] Gemeint ist Abt Alberich Degen, an den sich Abt Haas in dieser Sache in ep. 549 gewendet hat. licentia in Austria mansionem invenire desiderat, sive in aliquo ordinis asceterio, sive in parochiali beneficio, ad ipsius instantiam reverendissimae amplitudini vestrae eundem meliore, quo possum, nomine commendo hominem talentis sat bene praeditum et in animarum cura iam diu exercitatum. (5) Interim vero importunitatis huic meae reverendissima amplitudo vestra ignoscat velim meque inter amicos suos habere pergat. (6) Dabam ex Stambs, 16. Iulii anno 1669.