542. An Abt Benedikt Hein von Kaisheim Innsbruck, 20. November 1668 Im Namen von Abt Augustinus Haas: Abt Heins Brief vom 20. Oktober hat Abt Haas erst am 11. November [1668] erreicht. Er bedankt sich für die freundliche Aufnahme von Pater [Spiesegger] in Kaisheim und hofft auf dessen Besserung. Im Gegenzug geht es Pater Bartholomäus in Stams recht gut. Nach Pater Spiesegger macht nun Pater Theodor von Preisach Probleme: Auch er möchte für ein oder zwei Jahre in ein anderes Kloster geschickt werden. Er sagt, er sei zu jung ins Kloster eingetreten und habe noch nichts gesehen. Abt Haas glaubt, hier den Anfängen wehren zu müssen. Abt Haas musste Pater Theodor immerhin erlauben, sein Anliegen brieflich an Abt Hein heranzutragen. Er bittet seinen Kollegen nun, scharf und ablehnend auf Theodors Schreiben zu reagieren. Ad abbatem Caesariensem, 20. Novembris anno 1668, nomine reverendissimi. Reverendissime et amplissime praesul, domine domine observandissime

(1) Quas reverendissima amplitudo vestra 20. Octobris ex sua Caesarea ad me dederat, easdem primo meo post vindemias ad monasterium appulso, hoc est pridie sancti confessoris Turonensis[ERROR: no reftable :] Turonensis] Gemeint ist Bischof Martin von Tours, dessen Fest am 11. November gefeiert wird. seu decima Novembrium die recepi nescius, ubi viarum aut locorum tam diu interim delituerit. (2) Novum hospitem, conventualem meum patrem Paulum,[ERROR: no reftable :] patrem Paulum] Gemeint ist Pater Paulus Spiesegger, der im Oktober 1668 nach Kaisheim geschickt wurde. in gremio reverendissimae dominationis vestrae tam amanter exceptum fuisse et ipsi et mihi gratulor hoc unicum optans, ut is ad cor redeat et in vocatione sua dingne deinceps ambulare studeat coram Deo. (3) Pater Bartholomaeus vicissim, cui hactenus aura Stambsensis satis congruere visa est, mihi semper erit commendatissimus.

(4) Equidem a discessu praedicti patris Pauli omnia in conventu meo posthac tranquilla fore sperabam. (5) At ecce, maligno spiritu zizania seminante alius inter meos modo turbinem suscitat. (6) Nam pater Theodoricus a Preisach, nescio num patris Pauli exemplo permotus, an vero proprio genio ductus, instantissime a me flagitat migrationem ad aliud ordinis domicilium pro uno ut minus alterove anno. (7) Cuius tamen petitionis cum nullis aut saltem non solidis rationibus nitatur, condescendere neutiquam possum,

-- F251v --

ait quidem ille nimis iuvenem se religionis castra ingressum, cum arduitatem status monastici nondum rite perspectam haberet, verum cum is professionis tempore annum decimum ac septimum iam expleverit, nihil ei hoc argumentum patrocinari potest. (8) Et sane si temerariis huius modi postulatis vel semel ianuam aperiri contingat, mox latius serpet virus, alio atque alio eandem mutandae casae licentiam expetituro, donec coenobium subiectis orbatum in ruinam fatiscat, pessima ex malo antecedente secuta consequentia. (9) Postquam igitur praefatum patrem Theodoricum multis suasionibus a malo suo proposito divertere atque ad saniora consilia reducere conatus fui, extorsit ille demum a me facultatem scribendi hanc suam causam reverendissimae amplitudini vestrae, cuius tamen litteras (si secuturae sint) hisce meis praevertere volui obnixius rogando et obtestando eandem dominationem vestram reverendissimam, iniqua petenti aurem facilem praebere ne velit, sed a sinistra eundem intentionem efficaciter (additis etiam, si opus, comminationibus) dehortari satagat, ut et mihi, qui in comitiis nunc Oeniponte distineor, et meis in monasterio quies salva consistat. (10) Quod dum reverendissimae amplitudinis vestrae decantato iustitiae ac pietatis zelo ferventius commendo, simul eandem supernis benedictionibus in multos annos commendatam exopto. (11) Dabam occupatissimus ex aedibus meis Oenipontanis pridie divae Virginis in templo praesentatae anno 1668.