(1) Tandem aliquando responsum venit a diu cunctante bibliopola Ulmensi, quod 14. Octobris in Stambs perlatum hisce inclusum transmitto. (2) Lente nimirum festinant breviaria nostra, forte hoc anno tectum nostrum vix subitura. (3) Pater Paulus [ERROR: no reftable :] pater Paulus] Gemeint ist Pater Paulus Spiesegger, der zur Erholung und Besserung nach Kaisheim geschickt wird. nuper in die abitus [ERROR: no reftable :] die abitus] 13. Oktober 1668 (vgl. ep. 537). sui, cum circa sextam matutinam iam itineri se accingere potuisset, in hypocausto aulico ientaculum suum ad horam usque nonam protraxit indeque demum bene potus recessit tripudians et cantillando. (4) Paulo post a via declinans

in Silz ad dominum subpraefectum divertit postque effusas levitates ab eo digressus in Möz rursum duo vini mensuras ingurgitavit. (5) Perductus in Obstaig famulorum et ancillarum mensae assedit suisque ineptiis et iocis omnes ad risum provocavit, quos deinde etiam secutus ad aream sive horreum arrepta tribula triturare coepit sicque primam itinerationis suae diem fere in dissolutionibus traduxit, nocte tandem ad pagum Lärmoss, quod mirum, adhuc pervenit. (6) Qui se reliquis diebus gesserit, a reduce tabellario Witsch relationem exspecto. (7) Alias a patris Pauli discessu omnia apud nos tranquilliora sunt, rarius violatur silentium et pax atque concordia in congressibus melius custoditur atque ita vere optare liceat, ut reditus illius non nisi post plures annos contingat.