Philologic Results

538. An Abt Benedikt Hein von Kaisheim Mais, 13. Oktober 1668 Im Namen von Abt Augustinus Haas: Abt Haas dankt seinem Kollegen für dessen letzten Brief und die Visitationsdokumente. Wie angekündigt, wurde Pater Paulus [Spiesegger] am 13. Oktober nach Kaisheim geschickt, wo sich Abt Hein um ihn kümmern und als neuen Menschen nach Stams zurückschicken soll. Pater Bartholomäus wird inzwischen in Stams wie ein Mitbruder behandelt. Gott soll sich beider Patres annehmen.

-- F249v --

Ad abbatem Caesariensem, 13. Octobris anno 1668, nomine reverendissimi nostri. Reverendissime in Christo et amplissime praesul, domine domine observandissime

(1) Postridie Kalendas Octobris in primo vindemiarum fervore constitutus accepi reverendissimae amplitudinis vestrae litteras 12. Septembris in Caesarea signatas atque cum illis et duplicis visitationis instrumenta, pro quorum expeditione ac transmissione amplissimae dominationi vestrae, quas par est, habeo grates.

(2) Quia reverendissimae amplitudini vestrae adhuc collibitum est patrem Paulum, [ERROR: no reftable :] patrem Paulum] Gemeint ist Pater Paulus Spiesegger. aurae Stambsensis pertaesum, suorum venerando collegio ad tempus consociare, eundem decima tertia Octobris luce cum bono Deo viae commisi, quem ubi mandram Caesareensem subierit, reverendissimae vestrae dominationis paternae curae, affectui ac benevolentiae etiam atque etiam commendatum cupio iis, uti firmiter spero, moribus imbuendum eaque disciplinae regularis tinctura rigandum, ut ipsum postliminio ad nos reversum veluti novam creaturam excipere gaudeamus.

(3) Interea reverendum patrem Bartholomaeum sicuti unum e meis habiturus, quidquid eidem beneficentiae ac religiosae caritatis impendere potero, propensa affectione praestabo. (4) Deus, cuius bonitas est immensa, clementer faxit, ut et Bartholomaeus vestrae apud nos valetudinem instauret corporis et Paulus noster in Caesarea sanitatem recuperet mentis. (5) Ita vovi in canonica Maisensi, 7. Octobris anno 1668.