Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
533. An Abt Anselm I. Muotelsee von Salem
[Stams], 8. Mai 1668
Im Namen von Abt Augustinus Haas: Erst Mitte Mai hat Abt Haas den Brief erhalten, den
Abt Anselm bereits am 18. April in Salem abgeschickt hatte. Abt Haas freut sich über
die darin enthaltene Einladung zur Nationalkonvent und verspricht seine Teilnahme.
Er möchte wissen, welche Kleidung für diese Zusammenkunft angebracht ist, hat er
doch noch keine Erfahrung in solchen Ereignissen. In Donauwörth hatte Abt Gemelich
1652 seinen Talar an. Abt Haas will die Zahlung für den Prokurator in Rom dann
mitbringen.
Ad abbatem Salemitanum die 8. Maii anno 1668, nomine reverendissimi.
Reverendissime in Christo praesul, amplissime domine domine
(1) Oeniponte in comitiis constitutus accepi Kalendis Maii, quas reverendissima
amplitudo vestra 18. Aprilis ex Salemio ad me dederat, una cum convocatoriis diaetam
indicentibus nationalem, cui sicuti interesse omnibus modis desidero, ita etiam, si
superi me servent ac negotia patriae urgentiora non praepediant, -- F247v -- in diem
praefixam certo compariturum spondeo. (2) Prius tamen a reverendissima amplitudine
vestra certior fieri pervelim, quo nobis genere vestitus conveniendum sit, in
lucullis, an vero palliis nigris et longis vel solum in tuniculis itinerariis. (3)
Neque enim rei huius experimentum hactenus capere potui, qui nullum eiusmodi
conventum umquem frequentavi. (4) Ex actis quidem seu prothocollo
antecessoris mei[ERROR: no reftable :] antecessoris mei] Gemeint ist Abt Bernhard
Gemelich. compertum habeo anno 1652 reverendissimos
dominos congregationis nostrae praesules in urbe Danuwerdana adunatos fuisse palliis
talaribus tectos et non lucullis, at vero num eadem nunc ratio tenenda sit in
Salemitano coenobio, est, cur dubitem. (5) Porro quoad contributionis Romanae annuam
portionem, quae me contingit, vacuus non apparebo, ut procuratoris nostri
exspectatio diutius non suspendatur. (6) Interim dum comminus nobis in osculo
caritatis convenire liceat, eminus reverendissimam et amplissimam dominationem
vestram amicissime salutans maneo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|