(5) Reverendissimum dominum perillustrem comitem de Thunn, uti e primo mox intuitu et affatu oppido humanum agnovi, ita eum religiosae humanitatis officiis, quibus et quantum licuit, sum prosecutus; quem etiam postridie adventus sui sumpto prius congruente ientaculo abeuntem ad ratem usque deduxi commendantem se reverendissimae pietati vestrae ac coenobio nostro ad oblatos casus omne favoris obsequium pollicentem.