Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Geminas nostratis vini amphoras ad penum Caesariensem credam iam divertisse,
quippe quod ex Fiessensi oppido versus -- F245r -- Augustam iam ante finem Ianuarii
emigrarunt.[ERROR: no reftable :]emigrarunt] Vgl. ep. 524. (2) Transmissum pontificii
apographum valde gratanter accepi ex eo perspiciens Germaniae nostrae a moderno
sanctissimo[ERROR: no reftable :] moderno sanctissimo] Gemeint ist Papst Clemens IX.
gratiam factam et onus communes novitiatus ac professoria erigendi ab humeris
nostris ablatum. (3) Quod sane negotium sicuti gravissimas difficultates post se
traxisset, ita etiam sumptus coenobiis haud vulgares procreasset. (4) Alios vero
reformationis articulos, quos vel tollendos vel certe ad moderationis orbitam
reducendos Germani sperabamus, video sub Romana adhuc incude sudantes, lucem
declarationis nondum aspexisse. (5) Ceterum vehementer miror, quod procurator noster
generalis[ERROR: no reftable :]
procurator ... generalis] Gemeint ist Ferdinando
Ughelli. exiguam nobis spem faciat circa usum et
administrationem temporalium obtinendi quidpiam dispensationis, quam ego quidem tam
necessariam iudico, ut si eam non recuperemus, tota paene abbatum authoritas
pessundetur et ipsius etiam sanctae regulae nostrae ordinatio infringatur. (6)
Tolerari forsitan possit hoc caput reformationis apud abbates Galliae et Italiae
triennales, apud perpetuos in Germania certe sine damnositate sustineri non posset,
id quod oculi aliorum meis acutiores facile pervidebunt. (7) Quibus finio et
reverendissimam amplitudinem vestram supremae protectioni obnixe commendo, ex Stambs
28. Februarii anno 1668, reverendissimae et amplissimae dominationis vestrae.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|