(4) Secretarius congregationis pater Staub ad nos necdum apulit, qui ubi venerit, brevi forsan reverendissimam pietatem vestram inviset. (5) Pater subprior noster satis male habet decimum iam diem lecto affixus. Eius statum medico crastina perscribam, qui si absens remederi languido nequeat, praesentiam illius sollicitabo et ad aegrum personaliter accersam. (6) Atque his me et filios una omnes reverendissimae pietati vestrae obnixius commendo, cui et acidularum usus bene veniat et votis intendimus et precibus obsecramus.