Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Appulsus tandem est in Stambs 31. Octobris sub meridiem diu exspectatus
reverendissimus Curiensis decanus cum sarcinula aurea 840 Ungarorum, cui post
sumptum prandium ego et pater cellarius primo omnium visendum exhibuimus computum
expensarum, quas Thomas Schauwensteinius extra rhombum hinc inde profuderat,
petentes easdem prius, quam contractus principalis firmaretur, refundi. (2) Verum
ille hanc nostram petitionem cachinando quasi explodens diserte et categorice semel
pro semper edixit se pro istis extraordinariis debitis a praenobili familia
Schauwensteiniorum nec unicum obolum ullis viribus extorquere potuisse, proinde
nullam amplius desuper mentionem faceremus, utpote frustraneam. (3) Haesimus diu
inter sacrum et saxum,[ERROR: no reftable :] inter ... saxum] Zum Sprichwort vgl. Noten zu ep.
296. quid agendum nobis esset, prorsus ancipites. (4)
Demum postera luce omnibus coeli insolis sacra supervenit eiusdem reverendissimi
decani cognatus dominus Travers, qui nobis scrupulum ac haesitationem eatenus
exemit, quatenus aperte asseveravit se Merani reverendissimae paternitati vestrae
hanc Schauwensteiniorum resolutionem nomine reverendissimi Matthiae Schayer candide
intimasse eandemque reverendissimam paternitatem vestram quasi nuntium -- F242r -- hoc
parum curantem respondisse accordationem primariam alimentationem domini Thomae iam
antiquatam ac proinde etiam ad eam ultimo complendam, mihi plenam potestatem iam
relictam esse. (5) Fidem itaque narranti haec domino Traversio habentes adnumeratis
supradictis octingentis et quadraginta ducatis measque in manus traditis negotium in
nomine Domini clausimus et confecimus, de quo particularius reverendissimam
paternitatem vestram cum tempore coram informare potero, haec interim paucula
scripto praemittere volens, antequam ad mercatum Halensem abirem. (6) Stambs festo
divi Malachiae 1667.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|