Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
512. An Abt Anselm I. Muotelsee von Salem
[Stams], 27. August 1667
Im Namen von Abt Augustinus Haas: Abt Haas ärgert sich darüber, dass während des
letzten Generalkapitels nur gestritten wurde, während für die Oberdeutsche
Kongregation nichts erreicht werden konnte. Abt Haas schließt sich der Meinung
seines Kollegen aus Salem an, dass das Filiationsprinzip zu Gunsten der Kongregation
abgewertet werden soll. Abt Haas gratuliert Abt Muotelsee, der mit dem
Generalvikariat über die Oberdeutsche Kongregation beauftragt worden ist. Dann
interessiert es ihn, welche Reformen umgesetzt werden müssen. Besonders brisant
scheint die Frage der Novizen zu sein. Aufgrund der unsicheren Lage hat Abt Haas
schon mehreren Interessenten die Aufnahme verweigert. Auch wie es um die neuen
Breviere bestellt ist, möchte er endlich wissen.
(1) In nupero generali capitulo nostri Cistercii vix quidquam pro bono ordinis salubriter gestum ac tempus paene totum inter contentiones et lites maxime iura paternitatum attingentes exactum fuisse iam mense Iulio invitus intellexi, prae admiratione vix satis me ipsum capiens, quod tot sapientissimi antistites tam arundineo (paternitatum) baculo nixi totam congregationem nostram Germanicam excidii periculo subicere non formident. (2) Ego certe contrariam omnino semitam incedens per omnia sententiae reverendissimae et amplissimae dominationis vestrae subscribo, iura paternitatum[ERROR: no reftable :] iura paternitatum] Gemeint ist das im Zisterzienserorden sehr ausgeprägte Filiationsprinzip, das die Hierarchie unter den einzelnen Klöstern regelt. in exilium releganda, congregationem vero in aevum confovendam ac firmis radicibus sustentandam existimans. (3) Ceterum quia novi reverendissimam amplitudinem vestram actionibus praefati oecumenici capituli in Gallia personaliter interfuisse ibidemque munus (de quo plurimum congratulor) vicariatus generalis super congregationem nostram accepisse, erudiri percuperem, quid nobis circa reformationem brevi apostolico procusam deinceps tenendum, quid dissimulandum. (4) Cumprimis autem perplexus et animi pendens haereo in puncto receptionis neophytorum. (5) Iam enim plures spectatae indolis iuvenes amictum religionis a me flagitarunt, quorum tamen neminem voti reddere compotem ausus sum fulmine censurarum, quas pontificium breve interminatur, deterritus. (6) Praeterea indagavi iam multis vicibus, nulla tamen adhuc certitudine comperta, quid tandem de neotericis breviariis nostris futurum, num universaliter acceptanda, an vero rursum cum typographorum non levi dispendio ac damno et forsan ordinis dedecore sint expungenda. (7) Quodsi reverendissima et amplissima dominatio vestra super hoc et aliis dubiis certiorem me facere possit, enixe rogo, ut velit, manens interea etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |