Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Gratissima mihi sane fuit amplissimae dominationis vestrae epistula, quae
nudiustertius ad meas manus pervenit. (2) Dici enim vix potest, quantis hactenus
desideriis de septimana in septimanam exspectaverim communicationem aliquam de actis
et successu generalis capituli nostri, super quibus usque in praesens nec unus apex
ad me perlatus est. (3) Reverendissimos praesules Germaniae nostrae tantis
itineribus et sumptibus in Galliam profectos tam parum effecisse atque inter
contentiones et lites Cistercii vix quidquam salubriter gestum esse, nulla etiam
brevis apostolici moderatione subsecuta dolenter intellexi. (4) Certe male res
nostrae habent, quod stantibus novis reformationis articulis nemini abbatum liceat
ullos recipere neophytos.[ERROR: no reftable :] recipere neophytos] Vgl.
>Primisser cap. 43 § 13 Imperantur communes novitiatus et
gymnasia pro instituenda religiosa iuventute. (5) Sane a
me hisce temporibus diversi -- F238v -- iam iuvenes bonarum qualitatum habitum ordinis
sollicitarunt, quos nulla gratificandi spe solari possum.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|
