Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

510. An Abt Benedikt Hein von Kaisheim Stams, 26. April 1667 Im Namen von Abt Augustinus Haas: Die Franzosen haben mit Hilfe eines päpstlichen Erlasses den deutschen Zisterziensern ein schweres Joch auferlegt. Abt Haas hofft auf die Beständigkeit und Einigkeit der deutschen und österreichischen Äbte. Abt Haas bedauert das Ableben von Bruder Gottfried. Gott hat ihn gnädig zu sich gerufen. Ad abbatem Caesariensem, 26. Aprilis 1667, nomine reverendissimi. Reverendissime in Christo et amplissime praesul, observandissime domine domine

(1) Grave profecto nobis iugum Galli intentant, quod ob interpositam pontificis auctoritatem perdifficile erit ab humeris nostris aboliri. (2) Nihilominus tamen spero reverendissimos dominos abbates Germaniae ac praesertim Austriae sua animosa constantia et concordibus votis id effecturos, ut novae reformationis onus in multis bonam partem sit alleviandum.

(3) Ceterum grates amplissimae dominationi vestrae prolixas habeo, quod litteras meas et informationes uni dominorum coabbatum in Franciam

-- F238r --

ituro fideliter commendare velit. (4) Porro lethale mortis telum, quo prostratus est venerabilis pater Godefridus vester, una etiam amplissimae dominationis vestrae cor perstrinxisse ac vulnerasse haud aegre inducor, ut credam, siquidem ille tot annorum experientia et praxi excultus reverendissimae pietati vestrae nunc in novo praesulatu suo quasi fulcrum quoddam apprime deservire potuisset. (5) Verum quia supremo rerum Domino placuit eundem de statione sua evocare, acquiescendum est vocantis imperio, quod mortalium evadere potest nemo. (6) Interim dum defuncti piis manibus consuetis in ordine suffragiis et precibus parentamus, amplissimae dominationi vestrae me meosque affectuose commendo, ex Stambs postridie sancti Marci.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic