Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Iam in eo eram, ut accepta novae electionis Caesarea peractae notitia amplissimae
dominationi vestrae per epistulam cum debita gratulatione applauderem, et ecce
praevenit me reverendissima amplitudo vestra humanitatis officio, -- F236r -- priores ad
me litteras dirigens, quas tertio Aprilis die recepi. (2) Solvo igitur vel nunc vota
labiorum meorum amplissimae dominationis vestrae de indepta novi muneris dignitate
festine congratulans eidemque annos quamplurimos et aurea tempora ac plenum divinae
benedictionis cornu ex animo apprecans, in spe singulariter constitutus a Deo esse
electionem hanc vestram, quam tanto totius conventus consensu et concordi applausu
celebratam accepi.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|