Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(5) Ad capitulum generale quod attinet, miror, supra quam credi potest, tam altum
omnia silere in congregatione nostra, nemine praesulum quidquam alteri communicante,
cum tamen in novae reformationis conceptis articulis multa occurrant admodum gravia
ac observatu difficillima, quae merito reverendissimorum dominorum coabbatum
conferentiam et deliberationem exactam deposcerent. (6) Deinde cum mihi non
persuadeam omnes omnino praelatos ad hanc profectionem Gallicam obligari, sed more
antiquitus consueto duos tantum vel ternos nomine totius congregationis deputandos,
plurimum interest, mature scire, quinam simile legationis munus essent obtenturi.
(7) Demum cum in capituli indictione praesulibus imperetur, ut sui quisque statum
monasterii ad matrem Cistercium perscribat, cuperem a reverendissima et amplissima
dominatione vestra erudiri, quaenam determinate scribenda et notificanda veniant,
cum indictionis contextus intricatior hac de re parum dilucide loquatur. (8) Atque
hisce reverendissimae altitudini vestrae me commendans.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|