Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Quadrimestri hactenus spatio, quo reverendissimam pietatem vestram negotia
publica Oeniponti distinent, etsi praesentiam eiusdem reverendissimae pietatis suae
numquam non desideravimus, tamen tunc multo maxime absentiam eiusdem gravius
ferimus, cum ecclesia pro Christo et sanctis eius festine solemnizat. (2) Proinde ad
nuperas pentecostes ac praecipue corporis Christi sacratas ferias reditum
reverendissimae pietatis vestrae non tam speravimus, quam certo et quasi sine
haesi -- F23v -- tatione omnes expectavimus. (3) Calicem ecclesiae Söldensis ratiarius
noster Barrabas ante dies 14 ad me retulit quidem, sed ita fere adhuc vacillantem,
ut prius, nescio num neglectu aurifabri, an incuria portitoris.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|