(1) Obtinuit tandem ad litteras suas frater Godefridus responsum

a suo priore[ERROR: no reftable :] a suo priore] Gemeint ist Prior Benedikt Hein von Kaisheim. certior factus venturum proxime ad nos tabellarium, qui ipsum e nostro monasterio et climate Tyrolensi abducat, verum non ad propriam professionis domum, sed ad aliud rursus quoddam ordinis coenobium. (2) Ita nimirum in oculis sui praesulis suorumque confratrum acceptus est Godefridus, ut necdum illum in gremium suum recipere acquiescant. (3) Ratione expensarum, quas praedicti fratris cura medica Oeniponte causaverat, promittebant eaedem reverendi prioris Caesariensis litterae nuntium, qui huc mittendus fuerit, simul refusionis pretium rite allaturum, cuius proinde adventum in dies et horas idem frater exspectat.