Philologic Results

495. Stephani an Abt Augustinus Haas in Mais [Stams], 19. Oktober 1666 Vom Kellner hat Stephani erfahren, dass Abt Haas die Unterlagen zum Exemptenstatus der Zisterzienser benötigt für den Streit gegen Brixen. Vom Richter von Petersberg erfuhr Stephani, dass Herr Gotthard durch den Dekan von Telfs als Kurator in Haiming eingesetzt wurde und bald auch Umhausen bekommen soll. Eine Entscheidung über die Aufnahme Ferdinand Kleins ist nicht mehr nötig, da Klein nach Dillingen zum Studium geschickt wird. Bruder Gottfried zieht es so stark in seine Heimat Kaisheim, dass er gestern überstürzt nach Nassereith aufbrechen wollte. Stephani möchte ihn vor unüberlegten Handlungen zurückhalten. In einem Brief aus Kaisheim wird zwar bestätigt, dass Gottfrieds Krankenkosten bezahlt werden, er aber nicht nach Kaisheim zurückberufen wird. Ad abbatem nostrum in vindemiis constitutum, 19. Octobris 1666.

-- F229r --

Reverendissime in Christo pater, observandissime domine domine

(1) Intelligens ex patre cellario desiderari a reverendissima pietate vestra libellum suum manuscriptum de exemptione Cisterciensium praesenti eum occasione transmitto, usui, ut audio, futurum contra molitiones Brixinensium, de quibus hesterna die percepi a praefecto Petersbergensi, eos hisce diebus reverendum dominum Gotthardum pro curato in Haimingen per decanum Telfensem absoluta authoritate instituisse eundemque decanum hac septimana concessurum etiam in Umbhausen, sed cur vel quid acturum, dicere non poterat.

(2) De nobili iuvene Ferdinando Klain, cuius in proximis mentionem feci, utrum religioso coetui nostro sociandus sit necne, disceptatione hoc temporis amplius opus non est, siquidem ex ipsius curatione domino secretario Lachemagn (qui nupero die sabbati una cum suo socero praefecto ex Petersperg mecum desuper ex instituto locutus fuerat) intellexi eundem cum suo germano Sigismundo ista adhuc hebdomade mittendum Dilingam ad studium physicae, ubi an spiritum religionis retenturus sit, incertum.

(3) Fratri Godefrido propositum repatriandi (non exspectata suorum avocatione superiorum) adeo pertinaciter insedit, ut heri a refectione prandii in prioratu me conveniens ex abrupto discessum flagitaverit atque illo ipso adhuc die Nazarethum usque pergere intenderit, quem vix persuasi, ut aliquod adhuc tempus sustineret ac prius reverendissimum praesulem suum super redeundi licentia legitime ac humiliter compellaret, id quod demum hodie per litteras praestitit. (4) Quodsi ille obfirmato animo abitum tandem decerneret, constitui mecum neque litteras neque viaticum neque aliud quid itineri commodum vel necessarium contumaci viatori

-- F229v --

subministrare, ne ego ipsius inordinato et illegitimo recessui cooperatus fuisse argui possim, nisi aliud iubeat reverendissima pietas vestra. (5) Interim accepi litteras ab admodum reverendo priore Caesariensi,[ERROR: no reftable :] priore Caesariensi] Gemeint ist Prior Benedikt Hein von Kaisheim. quibus mihi significat reverendissimum suum[ERROR: no reftable :] reverendissimum suum] Gemeint ist Abt Georg IV. Müller von Kaisheim. expensas in cura praedicti fratris Oeniponte factas suo tempore rite soluturum simulque rogat, illum ut ulterius commendatum nobis velimus, quod sane intentionem avocandi non sonat. (6) Atque hisce reverendissimae pietati vestrae me et omnem conventum demisse commendo etc.