(7) Circa susceptionem nobilis adolescentis Ferdinandi Klain scio ex patribus nostri conventus vix unum fore, qui eidem suffragium ferat, quod iuvenis nimis tenerae et imbecillis complexionis ac oneribus ordinis omnino imparis appareat, unde ego censerem (submittens tamen iudicium meum) consultius fore, si vel petenti aditus rotunde denegaretur praetendendo magnum numerum religiosorum, qui defacto aluntur, vel saltem reditum reverendissimae pietatis vestrae praestolari iuberetur, interim Oeniponte adhuc substiturus. (8) Alias memini[ERROR: no reftable :] alias memini] Vgl. ep. 411. etiam semel aut bis ex reverendissima pietate vestra audivisse fixum sibi animo stare deinceps neminem amplius collegio nostro adiungere, nisi forsitan subiectum aliquod superveniret usquequaque selectissimum cuiusmodi iuvenis hic supplicans sane non est. (9) Sed finio et reverendissimam pietatem vestram superis favoribus obnixe commendo.